بكل تأثر وحزن، تحدثت الإعلامية عفاف الغربي عن صديقتها الراحلة الممثلة ريم الحمروني، وذلك قبل أيام من ذكرى وفاتها. خلال برنامج "ويكاند عالكيف"، عبرت عفاف عن مشاعرها الصادقة تجاه ريم وذكرياتها معها قائلة :"
بعد أيام قليلة فقط ذكرى وفاة الزميلة والأخت والصديقة ريم الحمروني الله يرحمها وينعمها إلي توفات بتاريخ 19 فيفري تاريخ باش يقعد في الذاكرة باش نقعد ماننساهش .. حاجة بركا ، هالنهارين ملي دخل فيفري عاودت ناري شعلت ، هي النار تبرد وتشعل كي نفقدو حد عزيز علينا ولكن رجعت لبالي كلمة نقولوها كي حد يتوفى نقولوا ربي يصبرك على قد محبتو".
وأضافت قائلة :" نحب نقلها ريم بلحق على قد محبتي ليك راني صابرة عليك ، ماتصورتش ربي باش يمنحني هذا الكم من الصبر على إنسانة كانت بالفعل نصفي الثاني وجزء مني... صعيب باش تلقى صديق يكون مرآة عاكسة ، كنت نرا فيها روحي ونحكي معاها ونجم أتعرى تماما أمامها من غير ولا حدود ونحكي معاها في كل شي كل ألامي وجروحي وأوجاعي وفرحتي ، أي لحظة نعيشها في حياتي كنت نتقاسمها معاها 1000% ... فقداناها باش يبقى من أصعب الحاجات إلي عشتهم في حياتي ولكن تلك مشيئة الله ، ريم أنا صابرة على قد محبتي الكبيييييييرة إلي ماتوفاش ليك لدرجة أني غير قادرة باش نعاود نشوف فيديواتك أو حواراتك ولا حتى نشوف برامجنا ... راك ديما في قلوبنا وفي قلوب الناس إلي تحبك".
الفيديو :
