شاب تونسي يثير الجدل على موقع التواصل الاجتماعي، بتدوينة حول الاختلاف الكبير والعميق بينه وبين حبيبته :"حبيتها أما خسارة ، عندنا إختلاف عميق في الذوق .
أنا نسمع كاظم الساهر و هي تسمع سمارا ..
خرجنا ، حطيت نسمع فيها في غناية شؤون صغيرة في الكرهبة .
شؤون صغيره تمر بها أنت دون إلتفات
تساوي لدي حياتي جميع حياتي .
حوادث قد لا تثير اهتمامك أُعمر منها قصور
وأحيا عليها شهور وأغزل منها حكايا كثيره
و ألف سماء وألف جزيره شؤون صغيره
ياخي قتلي حطلنا (لسمر) خير ، غناية إسمها (سوق) .
مخالط امارك مناضر كي تبات تعارك
نقراو افكارك واسرارك وشنوا في دارك
كوكتيك بلارك كبارك نسربيك موزيكا تو
لا تو يبقالك حسدونا كي شافو ملاين تدور
سألتها على آخر كتاب قراتو طلعت ما تقراش ، سألتها شتعمل في أوقات الفراغ قتلي ياخي خارجة نعمل في قهوة و إلا في entretien
حاولت نكون sympa ، قلتلها شنية برجك ؟
قتلي برج السدرية .
قلتلها شنية آخر سيري تفرجت فيها قتلي يوزرسيف
قلتلها نهزك نهار الثلاث تلعب معايا Tennis ، قتلي صار عندنا Tennis في تونس ؟ كل ما نجي نحكي معاها في موضوع ما نلقاش تجاوب رغم حبيتها و عجبتني برشا .
تخيّل طفلة عمرها ما قرات Roman ، عمرها ما سمعت فن نظيف ، أنا نقوم الصباح بالقرآن و الأذكار و هي تقوم الصباح تسمع في كبارك خنارك ، طفلة ما تعرفش أحمد مطر ، أمين معلوف ، ما تسمعش ماجدة الرومي ، جوليا بطرس ، ما عندهاش قضيّة تأمن بيها .
في لخر قتلي الستراس إلي عملهولي الباك كملتو أنت .
حاولت في لخر إقتنعت إنو المشكل موش فيا و موش فيها ، أنا نسمع كاظم و هي تسمع سمارا .
أنا من عالم و هي من عالم آخر ".
المصدر / grintta.tn
